منډيګک
افغان تاريخ

کندهار د تاريخ په اوږدو کي…

سردارولي پښتون زوی

#کندهار د تاريخ په اوږدو کي: ښکاپر بازار، نيمه پېړۍ پخوا ...ويډيو ښاغلي #ګلېن_فوسټر په ۱۹۵۶ع کال کړې ده.ويډيو شېر کړئ.

Geplaatst door Historical Kandahar op Donderdag 3 januari 2019
0 298

 …

د احمدشاهي کندهار د څلورو بازارونو څخه ښکاپر بازار تر ټولو اوږد او ارزانه بازار وو، چي د عوامو په خبره [په ښکاپر بازار کي احمدشاه بابا خپل دسترخوان ټک وهلی دئ].
دا چي د بولان پر لار به کندهار ته له همدې ځايه د شکارپور څخه قافلې راتلې، نو د ښار دغه جنوبي دروازې ته ئې ښکاپر دروازه او بازار وايه. په دې بازار کي يو وخت د کندهار تر ټولو ښه پېرني، شريخ او فالوده خرڅېده.
په دغه پرېمانه بازار کي پخوا د احمدشاهي عصر نامتو چارواکو سردار یحي خان، د سردار مددخان ساګزي، قاضي سعدالدين خان [خان علوم/علومي کورنۍ] تارسنګ او نورو لوړ پوړو چارواکو عصري کورونه وه چي په هغه وخت کي دا لوی وياړ وو.
دغه لرغوني بازار په کورنيو جګړو کي تر ټولو ډېر خوړين سو او اوس ئې ځای بدرنګه او له ګاونډيو راوړل سوو، تېر او بېر مارکېټونه ونيو.
پورته ويډيو ګلېن فوسټر په ۱۹۵۶ع کال کړې ده.
په ويډيو کي جالب په لوڅو پښو د خلګو ګرځېدل، شين کميس او لوی پرتوګونه، د خلګو په لاس کي منګي او موسيقۍ الې، په بازار کي د اسانو او خرو پراخ شتون، بازار ته د راروانو خلګو په لاسونو کي واړه وري، بوټي او نور چي ښايي سودا په اخلي، رواني اوبه او ګڼ نور…

ځواب پرېږدئ

ستاسي ايميل به خپور نسي

error: Protected contents!