سردار جمال خان بارکزی او کورنۍ

بارکزي د کندهارله جنوب څخه بیا تر فراه پوري اوسیږي . ددغه ټبر څخه د(۱۰۰۰هـ) په حدودو (۱۵۹۱ع) د ارغسان په جنوب ختیځ کي یومشر ژوند کاوه چي محمد نومېدی. دی دکندهار دسیمي دبارکزو مشر وو او مرکز یې دهلمند پرغاړه په ګرشک کي دبارکزو ناوه وه.
افغانستان کي د بارکزو(محمدزو) ټول شاهان او واکمنان لکه امیر دوست محمد خان، امیر شیرعلي خان، امیر محمد افضل خان، امیر محمد اعظم خان، امیر محمد یعقوب خان، امیر عبدالرحمن خان، امیر حبیب الله خان، غازي امان الله خان، عنایت الله خان، محمدنادرخان، اعلیحضرت محمد ظاهرشاه او شهید سردارمحمد داود خان د حاجي جمال خان نیکه له اولادې څخه دي، همدا راز د هیواد ستر او میړني شخصیتونه لکه سردار پاینده خان، وزیرفتح خان، د میوند د جګړې فاتح غازي ایوب خان، وزیر محمد اکبرخان، مارشال شاولي خان، شاه محمود خان، غلام محمد طرزي، محمود طرزي، او ډیر نور ستر شخصیتونه هم له دې لویې او درنې کورنۍ څخه دي.
د ګرشک په مالګیر کي د ادې کلا چي تراوسه هم په همدې نامه یادیږي د دغه کهاله پخوانی ځای دی، دې ځای ته ځکه د ادې کلا یا ادې باغ وایې چی د لویې ادې په نوم نومول سوی، لویه ادې د سردار پاینده خان میرمن، د نومیالي وزیر فتح خان مور او د حاجي جمال خان بارګزي نږور وه، د هلمند ولایت دا پښتنه میرمن د هیواد په تاریخ کي یوه د سترو کارنامو څښتنه وه نو ځکه د لویې ادې دروند لقب ورته ورکړل سوی دی.

سردار جمال خان (1719 ز. – 1772 ز. ) د محمد يوسف، چې د توپچي ځواکونو مشر و، زوی و. هغه دوه ودونه کړي و. لومړنۍ ماينه يې يوه بارکزۍ ښځه او دويمه يې يوه غلجۍ ښځه وه. د حاجي جمال څلور زامن او يوه لور وه.

1. عبدالحبيب خان سخي (د بارکزۍ ښځې څخه)
2. بهادر خان حاجي دروېش (د بارکزۍ ښځې څخه)
3. سردار رحيمداد خان (د بارکزيو ټبر مشر چې له 1771 – 1774 ز. د سلطان محمد بارکي لقب ترلاسه کړی و)
4. امير الامرا سردار پاينده خان محمدزی (د غلجۍ ښځې څخه)
5. يوه لور (د سردار پاينده خان سکه خور او د تېمور شاه دراني ماندينه)

د سردار جمال خان زامن :

د سردار جمال خان لمسيان: