کوئٹہ کا نام ایک پشتو لفظ سے نکلا ہے جس کے لغوی معنیٰ ‘قلعہ’ کے ہیں۔ کوئٹہ شہر سطح سمندر سے تقریباً 1700 میٹر سے 1900 میٹر کی بلندی پر واقع ہے اور اپنے بہترین معیار کے پھلوں کی پیداوار کے لیے مشہور ہے۔ یہ بنیادی طور پر خشک پہاڑوں میں گھرا ہوا شہر ہے جہاں سردیوں میں شدید سردی اور برف باری ہوتی ہے۔

ابتدائی تاریخ:

کوئٹہ شال کوٹ ایک پرانا شہر ہے جس کے نام کا لغوی معنیٰ ‘قلعہ’ کے ہیں۔ خیال ہے کہ یہ نام کسی قلعہ کی وجہ سے نہیں بلکہ اس وجہ سے پڑا کہ کوئٹہ چاروں طرف سے پہاڑوں سے گھرا ہوا شہر ہے جس سے وہ ایک قدرتی قلعہ ہے۔

شال کوٹ:

افغانستان کے بادشاہ نادر شاہ کے قتل کے بعد احمد شاہ ابدالی جو نادر شاہ کے فوج کے سالار تھے لویہ جرگہ کے ذریعے بادشاہ منتخب ہوئے، یہ جرگہ شیر سرخ بابا کے مزار پر منعقد ہوا تھا، اسی دوران صابر شاہ ملنگ نے ایک گندم کا خوشہ ان کے سر پر بطور تاج کے لگایا اور احمد شاہ کو بطور بادشاہ تسلیم کیا گیا، احمد شاہ درانی کو بجا طور پر افغانستان کا بانی کہا جا سکتا ہے۔ اس وقت سلطنت اٹکسے کابل، کوئٹہ ،مستونگ ،قلات ،سبی، جیکب آباد، شکارپور ،سندھ ،پشین، ڈیرہ اسماعیل خان ،ضلع لورالائی اور تمام پنجاب پر مشتمل تھا، شال کوٹ(کوئٹہ) قندھار کا ایک ضلع تھا، احمد شاہ درانی کا دورے سلطنت ( 1747ء سے 1823ء) تک افغانستان پر رہی۔ 1765ء کا زمانہ آیا سکھوں نے پنجاب میں قتل و غارت گری کا بازار گرم کیا ہوا تھا ۔1772ء تک احمد شاہ درانی اور اس کے بعد اس کی اولاد کی حکومت رہی۔ اس کی اولاد میں ایوب شاہ کو1823ء میں قتل کر دیا گیا۔ احمد شاہ ابدالی کی ہمشیرہ کا مزار بھی خواجہ ولی مودودی چستی کرانی کی درگاہ کے احاطہ کے اندر کرانی ،کوئٹہکے مقام پر واقع ہے۔

شال:

پنجاب کی مہم سے واپسی پر احمد شاہ ابدالی نے میر نصیر خان کو ہڑند اور داجل کے علا قے بطور انعام دیے۔ اسی زمانے میں جب احمد شاہ کی مشرقی ایران کی مہم سے واپسی ہوئی تو اس نے میر نصیر خان کی والدہ بی بی مریم کوکوئٹہ کا علا قہ یہ کہتے ہوئے دیا کہ یہ آپ کی شال ( دوپٹہ ) ہے۔ اسی دن سے کوئٹہ کا نام شال کوٹ پڑ گیا،اور یہ ریاست قلات کا حصہ بن گیا۔ قلعہ میری قلات ( قلعہ کوئٹہ ) کے قریب خواجہ نقرالد ین شال پیر بابا مودودی چشتی کا مزار بھی واقع ہے، شال کوٹ کو جو شاہراہ ہندوستان اور ایران سے ملاتی ہے اُسے شال درہ کہتے تھے آج اُس شاہراہ پر اسی نام سے ایک بہت بڑی آبادی قا ئم ہے، خواجہ ولی مودودی چستی کرانی کا مزار بھی اسی وادی کے اندر بمقام کرانیواقع ہے،

سید احمد شہید کا سفر شال:.

سید احمد شہید اپنے سفر نامے میں بیان کرتے ہیں 29 ذلحج کو ان کا لشکر بھاگ بلوچستان سے روانہ ہوکر یکم محرم کو ڈھاڈر کے مقام پر پہنچا۔ یہاں 4 روز قیام کے بعد 4 محرم 1242ھ بمطابق 1826ء کو درہ بولان میں داخل ہوئے اور آٹھ محرم کو شال پہنچئے۔ سید احمد شہید اپنے سفر نامے میں مزید بیان کرتے ہیں یہاں کہ لوگوں کی زبان افغانی ہے۔ دوسروں کی بات سمجھ نہیں سکتے ہیں۔ لیکن ان کے اخلاق کمال کا ہے کہ شال پر خان قلات محراب خان کی حکومت تھی محراب خان محمود خان کا بیٹا تھا اور نصیر خان اوّل (وفات 1794ء) کا پوتا تھا۔

 سید احمد شہید شال میں اپنے مصروفیات میں کرانیکے بارے میں لکھتے ہیں کہ شال سے دو کوس کے فاصلے پر ایک دیہات میں سادات کا ایک گھرانہ تھا تیسرے روز اس گھرانے کے لوگوں نے کھانے اور میووں سے بڑی ضیافت کی اور سید احمد شہید کو سو آدمیوں کے ساتھ اپنے گھر لے گئے اور بڑی خوشی سے کھانا کھلایا اسی روز شال کے حاکم نے سید صاحب کے ہاتھ پر ارادت اور جہاد کی بیعت کی ـ ^[1] کرانی کے جس سادات گھرانے کا ذکر اس سفر نامے میں ہے وہ سید لطف اللہ شاہ کا گھرانہ تھا اور ان کے دو بیٹے سید امان اللہ شاہ اور سید عطا اللہ شاہ تھے سید لطف اللہ شاہ میر نصیر خان اوّل کے ساتھ ایران کی مہم پر بھی گئے تھے ^[2] اسی عرصے کا خان قلات محراب خان کا ایک فرمان بھی موجود ہے –

میر نصیر خان:

میر نصیر خان کا شمار قلات بلوچستان کے ممتاز ہردلعزیز ترین برو ہی سرداروں میں ہوتا تھا، وہ میر عبد اللہ خان برو ہی کا تیسرا چھوٹا بیٹا تھا، اس کی ماں بی بی مریم التازئی قبیلے سے تعلق رکھتی تھی،نادر شاہ کے وفات کے بعد میر نصیر خان، احمد شاہ ابدالی کے ساتھ قندھار چلا آيا، جب افغانستان کے بادشاہ کے لیے احمد شاہ ابدالی کا انتخاب ہوا تو میر نصیر خان نے بروہی سرداروں کی نما ہند گی کی، اسنے احمد شاہ ابدالی کے حق میں رائے دیکر بالادستی قبول کر لی، کچھ دن بعد نصیر خان کے بھائی محبت خان نے لقمان خان کی بغاوت میں حصہ لے کر احمد شاہ ابدالی کا اعتماد کھو دیا ،1749ء میںاحمد شاہ ابدالی کے حکم سے میر نصیر خان اپنے بھائی کی جگہ قلات کے ناظم بنے انکا دور حکومت 1751ء سے 1794ء تک رہا،خوانین قلات افغان حکمرانوں کو سالانہ دو لاکھ روپیہ اور فوجی سپاہی بھی مہیا کرنے کے پابند تھے، نصیر خان کا شمار احمد شاہ ابدالی کے منظور نظر سپہ سالاروں میں ہونے لگا اور اسنے بادشاہ کے ساتھ کئی معرکوں میں حصّہ لیا، ان دنوں میر نصیر خان اؤلقندھار میں تھے احمد شاہ ابدالی نے انھیں قلات کا خان مقرر کیا اور مالیہ وصولی وغیرہ کا کام سونپ دیا، جبکشمیر میں بغاوت ہوئی.

آزادی کا اعلان:

1171ھ کو جب خان قلات میر نصیر خان نے آزادی کا اعلان کیا تو احمد شاہ ابدالی نے فورا” ایک فوجی دستہ روانہ کیا، میر نصیر خان کو جب پتہ چلا تو مقابلے کے لیے نکلے مستونگ کے مقام پر جنگ ہوئی، اس دوراناحمد شاہ ابدالی خود قندھار سے مدد کو پہنچا اور قلات کا محاصرہ کیا، کچھ عرصے بعد دونوں کے مابین مشروط راضی نامہ ہوا جس کی رو سے خان قلات احمد شاہ ابدالی فوجی معرکوں میں مدد کرینگے اور احمد شاہ ابدالی نے بھی خان کو کچھ مراعات دیں،اور اس صلح کو مضبوط کرنے کے لیے احمد شاہ ابدالی نے نصیر خان کی چچازاد بہن سے اپنے بیٹے تیمور شاہ کا نکاح کرد یا، احمد شاہ ابدالی درانی کا دورے سلطنت ( 1747ء سے 1823ء)تک افغانستان پر رہا۔ 1765ء کا زمانہ آیا سکھوں نے پنجاب میں قتل و غارت گری کا بازار گرم کیا ہوا تھا۔ خان آف قلات میر نصیر خان بھی احمد شاہ ابدالی ابدالی کے ہمرا سکھوں کی سرکوبی کے لیے پنجاب کی طرف روانہ ہو گئے۔ میر نصیر خان بارہ ہزار کا لشکر لے کر براستہ گنداوہ احمد شاہ ابدالی کی مدد کو پنجاب روانہ ہوا، ڈیرہ غازی خان سے سردار غازی خان بھی ایک بلوچ لشکر لے کر میر نصیر خان کی فوج میں شامل ہوا، دریا ے چناب پار کر کے میر نصیر خان کی فوج احمد شاہ ابدالی کے فوج کے ساتھ شا مل ہو یی اور پھر یہاں سے روانہ ہوکر یہ فوج لاہور میں داخل ھويی، میر نصیر خان نے احمد شاہ ابدالی کے حکم پر آگے بڑھ کر سکھوں کا مقابلہ کیا، شدید لڑائی شروع ہوئی، میر نصیر خان نے بڑھ بڑھ کر سکھوں پر حملے کیے، لڑا ئی میں اس قدر بے خود ھوا کہ سکھوں کے لشکر کے بیچ جا پہنچا سکھوں نے اسے گھیرے میں لے لیا اور قتل کرنا چاہتے تھے اسی دوران ہاتھا پائی میں انکی پگڑی سر سے گر گئی سکھوں نے جب ان کے لمبے بلوچی بال دیکھے تو ایک سکھ نے آواز لگائی کہ مت مارنا اپنا ہی بھائی ہے، کیو نکہ داڑھی اور لمبے بالوں کی وجہ سے بلوچ بھی سکھوں کی طرح لگتے تھے، اس معر کہ سے واپسی پر میر نصیر خان نے یہ کہہ کر اپنے بال منڈوا دیے کہ انکی وجہ سے میں شہادت سے محروم ہوا،

قدیم حدود ضلع کوئٹہ پشین 

ضلع   کوئٹہ پشین   بلوچستان کا بالائی ضلع ہے، اس کے  وادیوں کی اونچائی سطح سمندر سے  4500 فٹ سے  لے کر 5500 فٹ تک ہے اور ان وادیوں  میں واقع پہاڑوں کی اونچائی 8000 فٹ سے  11500 فٹ تک ہے،  اس کے  شمال مشرق میں ژوب اور سبی ڈسٹرکٹ شمالاً اور جنوباً مستونگ ڈسٹرکٹ، شمال اور مغرب میں افغانستان اس ڈسٹرکٹ  میں زیادہ تر میدانی علاقے ہیں، جس کی لمبائی کم اور چوڑائی زیادہ ہے،  ان میدانوں کو چاروں طرف سے  ٹوبہ کاکڑ اور وسطی براہوی سلسلہ کوہ نے گھیر رکھا ہے، ٹوبہ کاکڑی کے  سلسلہ میں لوئیہ ٹوبہ کا پلوٹو بھی شامل ہے،  اس سلسلہ سے  شمال میں جو شاخیں نکلتی ہیں ، وہ کوہ خواجہ امران کا سلسلہ کہلا تے ہیں،  یہ اس ڈسٹرکٹ کی مغربی سر حد بناتی ہے جسے سر لٹ کہتے ہیں، مشرق کی جانب کوہ زرغون جس کی اونچائی 11733 فٹ ہے اور کوہ  تکہ تو جس کی اونچائی 11375فٹ اور کوہ مردار اونچائی 10398 فٹ ہے، شمال میں چلتن  اور مشلاخ کے  پہاڑ ہیں،  وادی کی نکاسی آب لورا پشین  اور دریا کاندانی کے  ذریعہ ہوتا ہے، لورا پشین وادی ک کوئٹہ  کے  وسط میں واقع ہے، دریا کاندانی جو شمال میں ہے اور ٹوبہ کاکڑی کے  پلیٹو کی نکاسی کرتا ہے اور یہ ہلمند افغانستان میں جا ملتا ہے،